Lewen en der Corinthstroote – guot versorgt en der Gemeïnschaft

Off für en korte Tiet udder op de Duur en usem Huße: Hie können sech äuler Lütt grad wie Teheïm füöhlen. Se lewen en ehren Zemmern udder en kleïn Wohnengen, grad wie se et selwer gern hann mäuhten. Sie kriegen van usen Metarbeïdern, die fröngklech sind on üöwer alles Bescheïd wiëten, jiëde Hölpe geboden, die nüödeg es.

Us guot Köche, die emmer jet angersch bütt, geïht op den Geschmaak van äuleren Lüden en. Für alle Arbeïden, die em Hushault afallen, hant wir de reihten Lütt.

Weïl us Hus en der Nöhde van der Stadt liët, kann men dohen allens siehr nen kleïnen Schlöüder maken. Ouch für en et Grüön te kuomen es der Weg nit te wiet on der Bus häult geenüöwer van user Husdür.

Wat söß noch jiëden Dag ageboden wierd:

Wie üöwerall sind bei us ouch Feste: Van der Kirke, nen Geburtsdag, der Fasselowend udder wenn söß noch jet en usem Tesamenlewen los es. Äwwer ouch onger der Weeke biëden wir allerhangk aan:

• Wir sengen on molen, dobeï zeïgt us eïner, wie et geïht. Et gött Liebhawer van guoden Büökern, ouch werden wallns Dias on Filme gezeïgt.
• Wir können us bewegen, datt wir gelenkig bliewen, ouch do zeïgt us ömmes, wie men dat mackt.
• Wir maken Utflüög, baimeln en der Begeende eröm on besüöken den Maart.
• Men kann sech em Huße de Hoor on de Nääl schnieden loten
• Met nem Paschtur kann men kallen, wenn men jet op der Siilen hät, de Gangk en de Kirke es em Huße möglech.
• Üöwerall kann men sech hensetten on nen Vertell met dem Nohber haulen, dat entspannt.
• Für us Lütt hant wer grute Gemeïnschaftszemmern, die jiëder allens bruken kann.